ჩხოროწყუს საკრებულოში თავმჯდომარის ასარჩევად კენჭისყრა დღეს მესამედ გაიმართება. "ერთიანი ნაციონალური მოძრაობა" კანდიდატს არ დაასახელებს და მხარს პარტია "საქართველოსთვის" კანდიდატს დაუჭერს.
"ქართული ოცნების" წარმომადგენლები კი აცხადებენ, რომ ისინი ამ პროცესში არ მიიღებენ მონაწილეობას, რადგან "ერთიანი ნაციონალური მოძრაობა" და გახარიას პარტია გაერთიანდა.
აღნიშნულთან დაკავშირებით, მათ განცხადება სხდომის დაწყების წინ გააკეთეს. როგორც მმართველი პარტიის წარმომადგენელმა ჯანო პერტაიამ აღნიშნა, დღევანდელ სხდომაზე "პოლიტიკურ ქორწილს" ვიხილავთ.
პარტია "საქართველოს" საკრებულოს თავმჯდომარის კანდიდატი კვლავ შოთა წურწუმიაა, ის პარტიამ მეორედ დაასახელა.