მნიშვნელოვანი და განსაკუთრებულია თქვენი როლი პანდემიის წინააღმდეგ ბრძოლაში, მადლობა გაწეული შრომისთვის და თითოეული გადარჩენილი სიცოცხლისთვის, აქვე ვსარგებლობ შემთხვევით და გილოცავთ დამდეგს, ვიმედოვნებ, რომ ძალიან მალე შევძლებთ ცხოვრების ჩვეულ რიტმში დაბრუნებას, - ამის შესახებ დავით გაბაიძემ მედიცინის დღისადმი მიძღვნილ ღონისძიებაზე განაცხადა, რომელიც აჭარის ჯანმრთელობისა და სოციალური დაცვის სამინისტროს ორგანიზებით გაიმართა.
აჭარის უმაღლესი საბჭოს პრესსამსახურის ინფორმაციით, უმაღლესი საბჭოს თავმჯდომარემ და ჯანმრთელობის დაცვისა და სოციალურ საკითხთა კომიტეტის თავმჯდომარემ, ილია ვერძაძემ, მედიცინის მუშაკები დააჯილდოვეს.
ამასთან, Covid-19-ის მართვაში გაწეული განსაკუთრებული წვლილისთვის რეგიონის 34 მედიცინის მუშაკი - კოვიდკლინიკების მედდები, კოვიდსასტუმროების ექიმები და ვაქცინაციის გამსვლელი ბრიგადები დააჯილდოვეს.
ღონისძიებაზე ასევე წარმოადგინეს სამინისტროს მიერ 2021 წელს გაწეული საქმიანობის ანგარიში და 2022 წელს დაგეგმილი სიახლეები.