ზუგდიდის საკრებულოს სხდომა კვორუმის არ არსებობის გამო ერთი საათით გადაიდო. ამის შესახებ საკრებულოს უხუცესმა წევრმა კონსტანტინე უბერმა განაცხადა, რომელიც სხდომას დროებით უძღვება.
"ჯერჯერობით 19 დეპუტატს აქვს გავლილი რეგისტრაცია. კვორუმი ჯერჯერობით არ არის, ამიტომ მინდა გთხოვოთ ერთი საათით სხდომის გადადება. დაველოდოთ, თუ შედგა კვორუმი, გაგრძელდება მუშაობა",- განაცხადა კონსტანტინე უბერმა.
სხდომის გასაგრძელებლად კიდევ 4 დეპუტატია საჭირო. „ქართული ოცნებიდან" არ იმყოფება 3 წევრი, ხოლო პარტია "გახარია-საქართველოსთვის" 1 წარმომადგენელი, რაც შეეხება "ერთიანი ნაციონალური მოძრაობას", ისინი სხდომას არ ესწრებიან.