გორის საკრებულოს სხდომაზე 2022 წლის ბიუჯეტის პროექტს განიხილავენ
გორის მუნიციპალიტეტის საკრებულოს სხდომაზე დღის წესრიგით გათვალისწინებული ხუთი საკითხის განხილვა მიმდინარეობს. პირველ საკითხად დეპუტატები „გორის მუნიციპალიტეტის 2022 წლის ბიუჯეტის შესახებ“ დადგენილების პროექტს განიხილავენ.
დღევანდელ სხდომაზე ასევე იმსჯელებენ მერიის, სხვა საჯარო მოხელეების, საკრებულოს თანამდებობის პირთა და აპარატის მოსამსახურეთა თანამდებობრივი სარგოებისა და საშტატო ნუსხების დამტკიცების შესახებ საკითხს.
საკრებულოს ოპოზიციონერი წევრები 2022 წლის გორის მთავარი ფინანსური დოკუმენტის მხარაჭერას არ აპირებენ. ენმ-ს და პარტია ,,გახარია - საქართველოსთვის" წევრები აცხადებენ, რომ ბიუჯეტის პროექტთან დაკავშირებით მათი შენიშვნების გათვალისწინება არ მოხდა.
