გორში, საახალწლო გამოფენა - გაყიდვა მოეწყო. გორის მერიის ცნობით, საქველმოქმედო ღონისძიებას გორის მუნიციპალიტეტის მერი ვლადიმერ ხინჩეგაშვილი დაესწრო.
„გამოფენაზე წარმოდგენილი იყო საახალწლო აქსესუარები, ხელნაკეთი ნივთები, ტკბილეული, პროდუქტები, ნახევარფაბრიკატები.
იაკობ გოგებაშვილის სკვერში, სადაც საახალწლო გამოფენა-გაყიდვა გაიმართა, განთავსებული იყო შემოწირულობის ყუთი. შეგროვილი თანხა მოხმარდება უკიდურესად გაჭირვებულ ოჯახებს.
გამოფენა-გაყიდვა გორისა და ატენის მიტროპოლიტის მეუფე ანდრიას ლოცვა კურთხევით ჩატარდა.
ღონისძიება მოეწყო გორის მუნიციპალიტეტის მერიის, ა(ა)იპ კულტურისა და ტურიზმის განვითარების ხელშეწყობის სააგენტოს ტურიზმის განყოფილებისა და საქართველოს წითელი ჯვრის საზოგადოების გორის ფილიალის ორგანიზებით“, - ნათქვამია ინფორმაციაში.