მიხეილ სააკაშვილის და თეიმურაზ ჯანაშიას ადვოკატები საქმეზე ირაკლი ღარიბაშვილის განცხადებების დართვას ითხოვენ

საბიუჯეტო თანხების ჯგურუფრად გაფლანგვაში ბრალდებულების, ყოფილი პრეზიდენტის მიხეილ სააკაშვილისა და თეიმურაზ ჯანაშიას საქმეზე ადვოკატები პრემიერ-მინისტრის ირაკლი ღარიბაშვილის განცხადებების საქმეზე დართვას ითხოვენ. შესაბამისი შუამდგომლობა დაცვის მხარემ სასამართლო პროცესზე დააყენა.

ადვოკატები ხელისუფლების წარმომადგებლების საჯარო განცხადებების, ასევე სახალხო დამცველის, სახელმწიფო ინსპექტორის დასკვნის, ევროკავშირის ელჩის კარლ ჰარცელის განცხადების და ცენტრ "ემპათიის" დასკვნის საქმეზე დართვას ითხოვდნენ. აღნიშნულ შუამდგომლობას ბრალდების მხარე არ დაეთანხმა და აღნიშნა, რომ ის დასაბუთებული არ არის.

პროკურორების განმარტებით, აღნიშნული დოკუმენტებით რაიმე ფაქტის დადასტურება, ან უარყოფა აღნიშნულ სისხლის სამართლის საქმესთან დაკავშირებით ვერ მოხდება.

მიხეილ სააკაშვილის ადვოკატების შუამდგომლობა მოსამართლე ბადრი კოჭლამაზაშვილმა ნაწილობრივ დააკამაყოფილა. კოჭლამაზაშვილის გადაწყვეტილებით, საქმეს მტკიცებულების სახით ცენტრ "ემპათიასა" და სახალხო დამცველის ექსპერტების დასკვნა დაერთო, რომელიც სააკაშვილის ჯანმრთელობას შეეხება. მოსამართლის განმარტებით, ქვეყნის შიგნით თუ გარეთ გაკეთებული განცხადებები, შეფასებები, საქმის მასალებში ჩადება, მტკიცებულებად განხილვა, სწორი არ არის.

ადვოკატებმა სასამართლოში კიდევ ერთი შუამდგომლობა დააყენეს, რომელიც მოწმეთა ხელახალ დაკითხვას ეხებოდა. კერძოდ, დაზარალებულის წარმომადგენელის, აუდიტორის, კონტრდაზვერვის წარმომადგენელის, ყოფილი სდსს-ს ხელმძღვანელისა და ფინანსთა ყოფილი მინისტრის. მოსამართლემ ეს შუამდგომლობა არ დააკმაყოფილა.

ცნობისთვის, აღნიშნულ საქმეზე მიხეილ სააკაშვილთან ერთად ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც. პროკურატურა ბრალდებულებს საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!