საპარლამენტო ოპოზიცია სახელმწიფო ინსპექტორის მიერ პარლამენტში წარდგენილი ყოველწლიური ანგარიშის განხილვას ითხოვს.

აღნიშნული მოთხოვნა პარლამენტის ბიუროს სხდომაზე დეპუტატებმა ლევან იოსელიანმა და ანა ნაცვლიშვილმა დააყენეს.

აღსანიშნავია, რომ ლონდა თოლორაიამ პერსონალურ მონაცემთა დაცვის მდგომარეობისა და ფარული საგამოძიებო მოქმედებების ჩატარების თაობაზე ყოველწლიური ანგარიში პარლამენტს ჯერ კიდევ მარტში წარუდგინა. ბიუროს გადაწყვეტილებით, აღნიშნული დოკუმენტი განსახილველად ადამიანის უფლებათა დაცვისა და იურიდიულ საკითხთა კომიტეტებს გადაეცა. სახელმწიფო ინსპექტორის ანგარიშის საკომიტეტო განხილვა ამ დრომდე არ შემდგარა და თავად კომიტეტების მოთხოვნით, განხილვის ვადები რამდენჯერმე გადაიწია.

შესაბამისად, სახელმწიფო ინსპექტორისთვის არც პარლამენტის პლენარული სხდომის ფორმატში მოუსმენიათ.