გვაშფოთებს სახელმწიფო ინსპექტორის სამსახურის დაჩქარებული წესით დაშლის ინიციატივა, - აცხადებს საქართველოში ნიდერლანდების სამეფოს ელჩი, მარია ქრისტინა ვან კოლდამი. ნიდერლანდების სამეფოს ელჩი სახელმწიფო ინსპექტორის სამსახურის გაუქმებას სოციალურ ქსელ Twitter-ში ეხმაურება.
„გვაშფოთებს საქართველოს სახელმწიფო ინსპექტორის სამსახურის, მნიშვნელოვანი ადამიანის უფლებათა ინსტიტუტის დაჩქარებული წესით დაშლის ინიციატივა, რაც გამოიწვევს მთელი პერსონალის გათავისუფლებას. საჭიროა, ღია და გამჭვირვალე პროცესი, ფართო კონსულტაციები, მათ შორის თავად სახელმწიფო ინსპექტორთან. ყველაზე მნიშვნელოვანია ნდობა და დამოუკიდებლობა“ , - წერს ნიდერლანდების ელჩი.