ქობულეთში, სოფელ ციხისძირში, ცენტრალურ საავტომობილო გზაზე ავტოსაგზაო შემთხვევის შედეგად საპატრული ეკიპაჟის ორი თანამშრომელი დაშავდა. ისინი სასწრაფო-სამედიცინო დახმარების ბრიგადამ ქობულეთის კლინიკაში გადაიყვანა. ექიმების ინფორმაციით, ორივე მათგანს დაზიანება ფეხის არეში აქვს მიღებული.

ადგილობრივების ინფორმაციით, ავტოსაგზაო შემთხვევისას მიკროავტობუსი საპატრულო პოლიციის ეკიპაჟის ავტომობილს შეეჯახა.

ფაქტზე, საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტო მოძრაობოსას წესების დარღვევას გულისხმობს.