ამბროლაურის მუნიციპალიტეტში სოფლებთან მისასვლელი გზების გაწმენდა მიმდინარეობს

ამბროლაურის მუნიციპალიტეტის ინფორმაციით, დიდი თოვლისა და რთული მეტეოროლოგიური პირობების გამო, ამბროლაურის მუნიციპალიტეტის სოფლების ნაწილში გადაადგილება შეფერხდა.

მათივე ცნობით, გაწმენდითი სამუშაოები დილიდან დაიწყო და სამუშაო პროცესი ამ დრომდე ინტენსიურ რეჟიმში გრძელდება.

ამასთან, დილიდან პრობლემურ უბნებზე იმყოფებიან სახელმწიფო რწმუნებული პაპუნა მარგველიძე, ამბროლაურის მუნიციპალიტეტის მერი ზვიად მხეიძე, საკრებულოს თავმჯდომარე ასლან საგანელიძე და დეპუტატის ბიუროს ხელმძღვანელი ქრისტინე კობახიძე.

ამბროლაურის მუნიციპალიტეტის თქმითვე, გზების გაწმენდითი სამუშაოები ეტაპობრივად სხვადასხვა მიმართულებით გაგრძელდება და ყველა პრობლემურ მონაკვეთს მოიცავს.