ხატია დეკანოიძე - სახელწოდება “შავ სიებთან“ დაკავშირებით მე უფრო ფრთხილი ვიქნებოდი - ზოგადად, აღნიშნული ინიციატივა დასავლური ქვეყნებისთვის სიახლეს არ წარმოადგენს

სახელწოდება “შავ სიებთან“ დაკავშირებით მე უფრო ფრთხილი ვიქნებოდი - ზოგადად, აღნიშნული ინიციატივა დასავლური ქვეყნებისთვის სიახლეს არ წარმოადგენს, - ამის შესახებ ჟურნალისტებს ფრაქცია “ნაციონალური მოძრაობის“ თავმჯდომარე ხატია დეკანოიძემ განუცხადა.

დეპუტატის თქმით, მიხეილ სააკაშვილის ინიციატივა იმ პირების დადგენაა, ვინც ადამიანის უფლებებს ნამდვილად არღვევს. ამ კონტექსტში დეკანოიძემ ისიც აღნიშნა, რომ მოსამართლეებისთვის სანქციების დაწესება სრულიად რეალურად მიაჩნია.

“ეს დემოკრატიული ქვეყნებისთვის ახალი მოცემულობა არ არის. ძალიან ხშირ შემთხვევაში საერთაშორისო პრაქტიკა და გამოცდილება გვაჩვენებს, რომ დასავლურ სამყაროს, იგივე აშშ-ს და ევროკავშირის წევრ ქვეყნებს ასეთი პირების, მათ შორის მოსამართლეების და სხვა სამართლებრივი უწყების წარმომადგენლების ვინაობა დაუდგენია და მათთვის სანქციები დაუწესებია. ეს არაფერ სიახლეს არ წამოადგენს. საქართველოში მიტაცებული სახელმწიფო ინსტიტუტების მიერ ადამიანის უფლებები აქტიურად ირღვევა“, - განაცხადა ხატია დეკანოიძემ.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება