ფოთში პრემიერ-მინისტრის ინიციატივით დღეს, საშობაო-საახალწლო ღონისძიება ჩატარდება.
ფოთის მერიის ინფორმაციით, მოეწყობა საშობაო ქარავანი, ბაზრობები, საბავშვო გასართობი სივრცეები.
„ტერიტორიაზე განთავსებულია ხის საახალწლო სახლები, ფოტოგადასაღები სტენდები.
ფოთში საახალწლო ღონისძიებები დღეს ორ საათზე დაიწყება. მანამდე კი მოსამზადებელი სამუშაოები მიმდინარეობს. ეწყობა სცენა და საახალწლო სოფელი.
მუნიციპალიტეტებში მცხოვრებ პატარებს თოვლის ბაბუა ტკბილეულსა და საჩუქრებს გადასცემს. დღის განმავლობაში გაიმართება ადგილობრივი ანსამბლების კონცერტი.
18:30 საათიდან კი ფოთელების წინაშე ჯგუფი „ბანი“ წარსდგება. საახალწლო ღონისძიება ფოიერვერკით დასრულდება. ღონისძიებაზე დაცული იქნება კოვიდ რეგულაციები“,- ნათქვამია ინფორმაციაში.