საგარეჯოში პოლიციამ სამართალდამცავებისთვის წინააღმდეგობის გაწევის ბრალდებით 2 პირი დააკავა

საგარეჯოში პოლიციამ სამართალდამცავებისთვის წინააღმდეგობის გაწევის ბრალდებით 2 პირი დააკავა.

არსებული ინფორმაციით, შემთხვევა გუშინ იმ დროს მოხდა, როდესაც საახალწლო ღონისძიების მიმდინარეობისას, რამდენიმე ახალგაზრდა ქალაქის მთავარ ქუჩაზე დამონტაჟებულ სცენაზე ასვლას ცდილობდა. როგორც ერთ-ერთი თვითმხილველი ყვება, 5- ზე მეტი ახალგაზრდა სცენაზე ავიდა და კონცერტის ჩაშლას ცდილობდა, რა დროსაც პოლიციასა და მათ შორის სიტყვიერი დაპირისპირება ფიზიკურში გადაიზარდა.

"კონცერტი თითქმის სრულდებოდა რამდენიმე ადამიანი, ალბათ 5- ზე მეტი ცდილობდა სცენაზე ასვლას და კონცერტის ჩაშლას. მე როგორც გავიგე, პოლიციამ მოუწოდა ტერიტორიის დატოვება, თუმცა ისინი ამბობდნენ, კონცერტი რატომ გაიმართაო. შემდეგ უკვე დაპირისპირება მოხდა და ადგილზე სხვა პოლიციელებიც მოვიდნენ", - აცხადებს თვითმხილველი.

არსებული ინფორმაციით, ინციდენტის დროს დაშავდა ერთი პოლიციელი, მას დაზიანებები თავის არეში აქვს მიყენებული, დაკავებულია 2 ახალგაზრდა.

როგორც შინაგან საქმეთა სამინისტროში აცხადებენ, გამოძიება 353-ე მუხლით მიმდინარეობს, რაც სამართალდამცავებისთვის წინააღმდეგობის გაწევას გულისხმობს.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო