ქართული IT საკონსულტაციო კომპანია HT Solutions განცხადებას ავრცელებს
,,ჰაი ტექ სოლუშენსი მოხარულია მიმართოს კომპანიებს, რომლებიც უკვე სარგებლობენ ჩვენი მომსახურებით, ან მომავალში გახდებიან ჩვენი კლიენტები.
ჩვენი საერთაშორისო თანამშრომლობის ქსელის გაფართოებასთან დაკავშირებით კომპანიამ განაახლა თავისი შესაბამისობის (compliance) პოლიტიკა რომელიც უკვე იქნა აღიარებული და მოწონებული ბაზრის ლიდერი არაერთი საერთაშორისო კომპანიის მიერ. სიახლეებს ამ მიმართულებით მომავალშიც პერმანენტულად შემოგთავაზებთ.
აქვე გვინდა გაცნობოთ, რომ დაფიქსირდა ჩვენი კომპანიის სახელით და რეპუტაციით არაკეთილისინდისიერად სარგებლობის შემთხვევები. გარკვეული პირები მიმართავენ ჩვენს მოქმედ და პოტენციურ კლიენტებს, თავს აცნობენ როგორც ჰაი ტექ სოლუშენსის წარმომადგენლები და ფაქტობრივად შეთავაზებას ჩვენი კომპანიის სახელით აკეთებენ.
ჰაი ტექ სოლუშენსი მზად არის ყოველთვის დაგეხმაროთ სწორი გადაწყვეტილებების მიღებაში. მოხარულნი ვიქნებით, თუ ასეთი შემთხვევების დაფიქსირებისას გაგვიზიარებთ შესაბამის ინფორმაციას, რათა ერთობლივად შევძლოთ არასასურველი შედეგების პრევენცია“.
(R)
