ანა წითლიძე - შიდასტრუქტურული რეორგანიზაციის საკითხები დღის წესრიგში არის, შესაბამისად, ამ საკითხებთან დაკავშირებით მსჯელობა იქნება პოლიტსაბჭოს სხდომაზე

შიდასტრუქტურული რეორგანიზაციის საკითხები დღის წესრიგში არის. შესაბამისად, ამ საკითხებთან დაკავშირებით მსჯელობა იქნება პოლიტსაბჭოს სხდომაზე, - ამის შესახებ „ნაციონალური მოძრაობის” წევრმა ანა წითლიძემ ჟურნალისტებს განუცხადა, როდესაც უპასუხა კითხვას, იქნება თუ არა პოლიტსაბჭოს სხდომაზე საუბარი პარტიაში შესაძლო ცვლილებაზე.

წითლიძის თქმით, თუ ვის შეეხება ცვლილება, ამას ყველა იხილავს პოლიტსაბჭოს სხდომის დასრულების შემდეგ.

„ჯერჯერობით, ეს არის მსჯელობა და ზოგადად, შიდასტრუქტურული რეორგანიზაცია, თუ გადაადგილებები, მათ შორის, რეგიონებში ჩვეულებრივი პროცესია, რომელიც ნებისმიერი არჩევნების შემდეგ ნებისმიერ პარტიაში ხდება", - აცხადებს წითლიძე.

მისი თქმით, პოლიტსაბჭოს სხდომაზე იმსჯელებენ იმაზე, რა გაკეთდა სწორად არჩევნების შემდეგ და რა უნდა გამოასწორონ, ასევე, როგორ უნდა იმუშაონ რეგიონებში.

„ეს იქნება მთავარი განსახილველი პოლიტსაბჭოს დღევანდელ სხდომაზე. ასევე, ვიმსჯელებთ მომავლის სტრატეგიაზე, შიდასტრუქტურული ორგანიზაციების გაძლიერებაზე, განსაკუთრებით რეგიონებში და ვიმსჯელებთ იმაზე, თუ როგორი უნდა იყოს პარტიული მუშაობა საბოლოო გამარჯვებისთვის. პროტესტი უნდა იყოს მრავალფეროვანი და ის უნდა იყოს ყველგან. პროტესტის მთავარი ხაზი უნდა იყოს საპროტესტო აქციებიც, იმიტომ, რომ განსაკუთრებით რეგიონებში საპროტესტო აქციების განწყობა არის. თუმცა, საპროტესტო აქციები არ არის ბრძოლის ერთადერთი ხერხი. ამიტომ, დღეს პოლიტსაბჭოს სხდომაზე განვიხილავთ საპროტესტო აქციის საკითხსაც და მათ შორის, იმასაც, თუ როგორი უნდა იყოს პარტიის შემდგომი სტრატეგია”, - აცხადებს წითლიძე.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი