დავით სერგეენკო - მიუღებელია, წინასწარ იმის ცოდნის გარეშე, თუ რა გადაწყვეტილებას გამოიტანს სასამართლო, ნებისმიერ შემთხვევაში უნდობლობის გამოცხადება

ხაზარაძის და ჯაფარიძის პოზიცია გასაგებია, ისინი მხარეს წარმოადგენენ, ჩემთვის ცალსახად მიუღებელია, წინასწარ იმის ცოდნის გარეშე, თუ რა გადაწყვეტილებას გამოიტანს სასამართლო, ნებისმიერ შემთხვევაში უნდობლობის გამოცხადება, - ამის შესახებ ჟურნალისტებთან პარლამენტის ვიცე- სპიკერმა დავით სერგეენკომ ბადრი ჯაფარიძისა და მამუკა ხაზარაძის წინააღმდეგ მიმდინარე სასამართლო პროცესთან დაკავშირებით განაცხადა.

სერგეენკოს თქმით, საჭიროა დაველოდოთ სასამართლოს გადაწყვეტილებას.

„ოპოზიციის ბრალდებებს რაც შეეხება პოლიტიკურ მართლმსაჯულებაზე, ოპოზიცია ატარებს იმ თვალსაზრისს, რაც მათთვის არის პოლიტიკურად მისაღები და ამაში ალბათ, უცნაური არაფერია. მე არ მაქვს საკმარისი მოცემულობა იმისათვის, რომ დავადასტურო საქართველოში პოლიტიკური მართლმსაჯულების არსებობა. შესაბამისად, არ მაქვს მოცემულობა ვთქვა, რომ ეს ასეა, უარვყოფ", - განაცხადა სერგეენკომ.

ცნობისთვის, ე.წ. ფულის გათეთრების საქმეზე ბრალდებულების - მამუკა ხაზარაძის, ბადრი ჯაფარიძისა და ავთანდილ წერეთლის ბრალდების სისხლის სამართლის საქმეზე შესაძლოა, დღეს განაჩენი გამოცხადდეს.

მამუკა ხაზარაძეს და ბადრი ჯაფარიძეს ბრალი წარედგინათ 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში