დმანისში პრემიერ-მინისტრის ინიციატივით დაწყებული განახლებული რეგიონების სახელმწიფო პროგრამის ფარგლებში,  4 ინფრასტრუქტურული პროექტი ხორციელდება

დმანისის მუნიციპალიტეტში, საქართველოს პრემიერ-მინისტრის ინიციატივით დაწყებული განახლებული რეგიონების სახელმწიფო პროგრამის ფარგლებში, 4 ინფრასტრუქტურული პროექტი ხორციელდება. ქვემო ქართლის სამხარეო ადმინისტრაციის ინფორმაციით, პროექტების საერთო ღირებულება 2 მილიონ ლარამდეა.

სამუშაოების მიმდინარეობის პროცესს ქვემო ქართლში სახელმწიფო რწმუნებული გიორგი დოხტურიშვილი, რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილი, დმანისის მუნიციპალიტეტის მერ კობა მურადაშვილთან ერთად გაეცნენ.

„დმანისის მუნიციპალური ცენტრის მიმდებარე ტერიტორიაზე ახალი რეკრეაციული სივრცეები და შადრევნები ეწყობა, ხორციელდება კულტურის სახლის ფასადისა და „თავისუფლების ხეივანის“ მშენებლობა - რეაბილიტაცია, იცვლება მიწისქვეშა საკომუნიკაციო სისტემები, აღდგება დაზიანებული ბორდიურები, წესრიგდება დასასვენებელი სივრცეები, დეკორატიული შემოღობვითა და გარეგანათებებით.

ქვემო ქართლის მხარეში, პროგრამის ,,განახლებული რეგიონების“ ფარგლებში, მიმდინარე ყველა ინფრასტრუქტურული პროექტი აქტიურად ხორციელდება. ქვემო ქართლში სახელმწიფო რწმუნებული გიორგი დოხტურიშვილი, შესრულებული სამუშაოების ხარისხსა და მიმდინარეობის პროცესს, ყველა ლოკაციაზე ეცნობა”, - აღნიშნულია ინფორმაციაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს