ლანა გალდავა ხაზარაძე-ჯაფარიძის საქმეზე - ეს არის პოლიტიკური ბინძური ვენდეტა - ნებისმიერი სცენარისთვის ვართ მზად

ეს არის პოლიტიკური ბინძური ვენდეტა - გამორიცხული ამ ხელისუფლების პირობებში არაფერი არ არის, ნებისმიერი სცენარისთვის ვართ მზად, - ამის შესახებ "ლელოს" ერთ-ერთმა წევრმა ლანა გალდავამ განაცხადა.

მისი თქმით, ისინი გამოიყენებენ ბრძოლის ყველა სამართლებრივ გზას, მათ შორის თუ საჭირო გახდა აქციებს.

„ჩვენ ვართ მზად. ბრძოლა გაგრძელდება და მივალთ იქამდე, რომ ამ ქვეყანაში ხელისუფლება შეიცვლება. ეს არის პოლიტიკური ბინძური ვენდეტა, პოლიტიკური ნიშნით ადამიანების დევნა და სამართალიან სასამართლოსთან ამ „კლოუნადას“ არანაირი კავშირი არ აქვს. გამორიცხული ამ ხელისუფლების პირობებში არაფერი არ არის, ნებისმიერი სცენარისთვის ვართ მზად. ჩვენი ბრძოლა გაგრძელდება ყველა სამართლებრივი ფორმით და მივაღწევთ შედეგს. ჩვენ გამოვიყენებთ ყველა სამართლებრივ ბრძოლას ეს შედგება ბევრი კომპონენტისგან, თუ დაგვჭირდა აქციები გავალთ აქციებზე, ჩვენ ბრძოლა არ გვაშინებს", - განაცხადა გალდავამ.

ცნობისთვის, მამუკა ხაზარაძეს და ბადრი ჯაფარიძეს 2019 წლის 24 ივლისს წარდგენილი ჰქონდათ ბრალი ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში