ბათუმში, 8 ოქტომბერს კორპუსის ჩამონგრევის საქმეზე დაკავებული 3 პირის სასამართლო პროცესი მიმდინარეობს

ბათუმის საქალაქო სასამართლოში, 8 ოქტომბერს კორპუსის ჩამონგრევის საქმეზე დაკავებული სამი პირის, კერძოდ: ორი მუშის, მამა-შვილის და ბინის მეპატრონის ზაურ ბუდაგოვის სასამართლო პროცესი მიმდინარეობს.

როგორც დაკავებულების ადვოკატები აცხადებენ, დღევანდელ პროცესზე დაცვის მხარე სასამართლოს აღკვეთის ღონისძიების სახით გირაოს შესთავაზებს.

მამა-შვილი სურმანიძეების უფლებადამცველები ამბობენ, ექსპერტიზის დასკვნის შედეგად კორპუსის ჩამონგრევა პირველ სართულზე მზიდი კედლის გამოღებამ გამოიწვია, თუმცა მომხდარში დამნაშავე ბინის მეპატრონეა. თავის მხრივ, მამა-შვილის ოჯახის წევრები ჟურნალისტებთან ამბობენ, რომ საქმის ობიექტური გამოძიება უნდა მოხდეს, რადგან დაკავებული მუშები ბინის მეპატრონის მითითებით მუშაობდნენ.

ამასთან, სასამართლოს პროცესის პარალელურად ბათუმის საქალაქო სასამართლოსთან, კორპუსის ჩამონგრევის შედეგად გარდაცვლილი ადამიანების ოჯახის წევრები მივიდნენ და საპროტესტო აქციას მართავენ. შეკრებილების განცხადებით, ისინი მომხდარის გამო დაკავებულების უმკაცრესად დასჯას ითხოვენ.

ცნობისთვის, 8 ოქტომბერს, ბათუმში, 26 მაისის ქუჩაზე საცხოვრებელი კორპუსის ერთი სადარბაზო მთლიანად ჩამოინგრა, რის შედეგადაც 9 ადამიანი გარდაიცვალა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს