ზუგდიდის საკრებულოს სხდომა კვორუმის არარსებობის გამო ერთი თვით გადაიდო

ზუგდიდის საკრებულოს სხდომა კვორუმის არარსებობის გამო ერთი თვით გადაიდო. სხდომას „ერთიანი ნაციონალური მოძრაობა“ და „ქართული ოცნების“ რამდენიმე წარმომადგენელი არ ესწრებოდა.

სხდომის ერთი თვით გადადებას არ დაეთანხმნენ პარტია „გახარია - საქართველოსთვის" წევრები. პარტიის წევრმა გიგა ფარულავამ განაცხადა, რომ ერთი თვით სხდომის გადადება არ ემსახურება საკრებულოში არსებულ კრიზისის დაძლევას.

„მიგვაჩნია, რომ ეს არის გადადება, უბრალოდ დროის გაყვანის მიზნით, რომელიც მოცემულ შემთხვევაში აწყობს ორივე პარტიას და განსაკუთრებით მმართველ გუნდს. საზოგადოებამ დღეს კიდევ ერთხელ ნახა უპასუხისმგებლო დამოკიდებულება პარტიების, რომ პირველი სხდომიდან დღემდე, მეხუთე ჯერზე ვერ დგება კვორუმი.

პოლიტიკური პარტიები კიდევ ერთხელ ადასტურებენ, რომ ვერ გამოდიან თავიანთი პოლიტიკური ინტერესებიდან. ხან “ნაციონალური მოძრაობა” გვაბრალებს “ოცნებასთან” ალიანსს, ხან “ქართული ოცნება” გვაბრალებს ალიანს “ნაციონალურ მოძრაობასთან”. სინამდვილეში, არცერთს ადარდებს ქალაქის და საზოგადოების ინტერესები, რომ არჩევნების შედეგების მიხედვით მოხდეს საკრებულოს დაბალანსებულად დაკომპლექტება და ასე ვთქვათ მმართველობა განხორციელდეს და ერთხელ და სამუდამოდ გამოვიდეთ ამ კრიზისიდან“, - განაცხადა გიგა ფარულავამ.

რაც შეეხება მმართველ გუნდს, „ქართული ოცნების" წევრმა ირაკლი გოგოხიამ განაცხადა, რომ არ შედგა კვორუმი და აქედან გამომდინარე სხდომა უნდა გადაედოთ.

„ვნახოთ, შეიძლება ოპოზიცია გაერთიანდეს და აირჩიონ საკრებულოს თავმჯდომარე. ჩვენ ვითანამშრომლებთ. საღი აზრი გაიმარჯვებს, მე ასე მგონია",- განაცხადა გოგოხიამ.

დღევანდელ სხდომას 21 დეპუტატი ესწრებოდა, რაც კვორუმისთვის საკმარისი არ აღმოჩნდა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!