მარნეულის მუნიციპალიტეტის სოფელ ალგეთში, ხუტორ-ლეჟბადინსა და დიოკნისში სასმელი წყლის ინფრასტრუქტურის მოწყობის სამუშაოები მიმდინარეობს. ამის შესახებ ინფორმაციას მარნეულის მერია ავრცელებს.

მერიის ინფორმაციით, პროექტები ადგილობრივი ბიუჯეტიდან ფინანსდება და სამუშაოების სახელშეკრულებო თანხა ჯამში 1 857 147 ლარს შეადგენს.

„პროექტის ფარგლებში სამივე სოფელში მოხდება შიდა დაქსელვა და ცენტრალური მაგისტრალის რეაბილიტაცია, ხოლო სოფელ დიოკნისში ჭაბურღილის მშენებლობა“,- ნათქვამია ინფორმაციაში.