ნატალია ზოიძე - „ნაციონალური მოძრაობა" სატელევიზიო შოუების დადგმას შეეშვას, ბათუმის ბიუჯეტი ხალხზეა მორგებული

„ერთიანი ნაციონალური მოძრაობა" სატელევიზიო შოუების დადგმას შეეშვას, ბათუმის ბიუჯეტი ხალხზეა მორგებული, - ამის შესახებ ბათუმის საკრებულოში "ქართული ოცნების" წევრმა ნატალია ზოიძემ ჟურნალისტებს განუცხადა.

ზოიძე "ერთიან ნაციონალურ მოძრაობას" მოუწოდებს, რომ ბიუჯეტს დეტალურად გაეცნონ, რის შემდეგაც დარწმუნდებიან რომ ბიუჯეტი ცვლილებას არ არ საჭიროებს.

"ერთიანმა ნაციონალურმა მოძრაობამ" ცესკოს თავმჯდომარის მიერ მოწვეული სხდომა დემარშით დატოვა, ამ საკრებულოში არ არის გადანაწილებული არც ერთი თანამდებობა, ჯერ საერთოდ ბიუჯეტის მიღების აქტის გაუქმებას ითხოვდნენ, ახლა ცვლილებებს, - სჯობს ჩამოყალიბდნენ რა უნდათ. ძველმა საკრებულომ მოვლენების ამგვარი განვითარების მოლოდინის გამო, ბათუმის ბიუჯეტი დაამტკიცა, რათა არ შეშლოდა ხელი ქალაქის ეკონომიკას, სოციალურ საკითხებს და ამავე ბიუჯეტში გათვალისწინებულია ყველაფერი - ავარიული სახლებიდან დაწყებული, მცირე სოციალური პრობლემებით დამთავრებული, ამიტომ შეეშვან სატელევიზიო შოუების დადგმას", - განაცხადა ნატალია ზოიძემ.

ბათუმის საკრებულოში „ერთიანი ნაციონალური მოძრაობის" წევრები სხდომის მოწვევას ითხოვენ. როგორც „ერთიანი ნაციონალური მოძრაობის" წევრი ლაშა კილაბერია აცხადებს, ოპოზიციის წევრები დამტკიცებული ბიუჯეტის გაუქმებას მოითხოვენ, რადგან ბათუმის 2022 წლის ბიუჯეტი ხალხზე არ არის მორგებული. „ერთიანი ნაციონალური მოძრაობის" წევრების თქმით, ხელისუფლებაში მყოფი პარტია ბოიკოტის რეჟიმშია და საკრებულოს სხდომებს არ ესწრება.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!