გორის მუნიციპალიტეტში ვაქცინაციის პროცესი მიმდინარეობს
გორის მუნიციპალიტეტში კორონავირუსის საწინააღმდეგო ვაქცინაცია აქტიურად მიმდინარეობს. ამის შესახებ ინფორმაციას გორის მერია ავრცელებს.
მათივე ინფორმაციით, 200 ლარიან ერთჯერად დანამატს 50 წლის და მეტი ასაკის ყველა მოქალაქე მიიღებს, ვინც 2022 წლის 1-ელი იანვრიდან 31 იანვრის ჩათვლით კორონავირუსის საწინააღმდეგო ვაქცინის პირველი დოზით აიცრება.
გორის მერის მოადგილე თამაზ შიოშვილი და ჯანდაცვის ცენტრის დირექტორი ტყვიავში ადგილობრივ მოსახლეობას შეხვდნენ და ვაქცინაციის მნიშვნელობასა და მის აუცილებლობაზე ისაუბრეს.
„კორონავირუსის საწინააღმდეგო აცრები აქტიურად მიმდინარეობს როგორც გორის სამედიცინო ცენტრებში, ასევე მუნიციპალიტეტის 4 სოფელში: ტყვიავში, კარალეთში, შაშვებსა და ნიქოზში.
პრემიერ-მინისტრის ინიციატივით, 200 ლარიანი წამახალისებელი პროგრამის ამოქმედების შემდეგ, მიმართვიანობა სამედიცინო ცენტრებსა თუ ამბულატორიებში მნიშვნელოვნად გაიზარდა.
ვაქცინაციაზე 200-ლარიანი დანამატის გაცემა იანვარშიც გაგრძელდება და ასაკობრივი ზღვარი 60-დან 50 წლამდე დაიწია“,- ნათქვამია ინფორმაციაში.
v-if="article.gallery" v-html="article.gallery"
