ცესკო-ს თავმჯდომარეობის კანდიდატის გიორგი შაიშმელაშვილის განცხადებით, საარჩევნო პროცესში არასწორი ინფორმაციის გავრცელებისა და გადაცდომებისათვის მედია-საშუალებებს პასუხი უნდა მოეთხოვოთ.
როგორც შაიშმელაშვილმა საკონკურსო კომისიის წევრებთან გასაუბრებისას ამ კონტექსტში აღნიშნა, ისურვებდა სტანდარტის შექმნას.
"სამწუხაროდ ისე ხდება, რომ საარჩევნო ადმინისტრაციის მუშაობისას, პატარა გადაცდომაც კი, მათი განკიცხვისა და დისციპლინური პასუხისმგებლობის საფუძველი ხდება, თუმცა მედიის გადაცდომები არის დავიწყებადი და ყოველ ახალ არჩევნებზე განახლებადი", - განაცხადა გიორგი შაიშმელაშვილმა პრეზიდენტის ადმინისტრაციაში გამართულ გასაუბრებისას.