ბათუმში, ახალი ბულვარის ტერიტორიაზე ზღვაში შტორმის შედეგად სანაპიროს მიმდებარე ტერიტორიაზე ინფრასტრუქტურა დაზიანდა.
ახალ ბულვარში ბილიკი ზღვამ ხრეშით დაფარა, დაზიანებულია საშხაპეები და მწვანე ზოლი.
"ინტერპრესნიუსს" ბათუმის ბულვარის ადმინისტრაციაში განუცხადეს, რომ ადგილზე მობილიზებული არიან თანამშრომლები და გაწმენდით სამუშაოებს ახორციელებენ.
მათივე თქმით, დაზიანებული ინფრასტრუქტურა მალე აღდგება.