"ჯორჯიან უოთერ ენდ ფაუერი" განცხადებას ავრცელებს

16 იანვარს, "ჯორჯიან უოთერ ენდ ფაუერი" საბურთალოს რაიონში, შარტავას ქუჩა N10/44-ის მიმდებარედ წყალსადენის ქსელის დაზიანებულ მონაკვეთზე აუცილებელ ტექნიკურ სამუშაოებს ატარებს.

კომპანიის ცნობით, გადაუდებელი სამუშაოები მთელი დღის განმავლობაში ინტენსიურ რეჟიმში მიმდინარეობდა და ღამის საათებშიც გაგრძელდება. აღნიშნულთან დაკავშირებით წყალმომარაგება 17 იანვრის დილის 06:00 საათამდე შეზღუდული აქვს:

საბურთალოს რაიონში: შარტავას და გაგარინის ქუჩების ნაწილს, პეკინის გამზირის N43, კანდელაკის ქუჩა N1, ისაკაძის ქუჩა N1-6, ოჩამჩირის, დარასელიას, ქანთარიას, სოკრატ არშბას და აკაკი გახოკიძის ქუჩებს.

" "ჯორჯიან უოთერ ენდ ფაუერი" ბოდიშს უხდის მომხმარებლებს შექმნილი დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე, კომპანია მოსახლეობას წყალს ცისტერნებით მიაწვდის.

წყალმომარაგების შეზღუდვისა და აღდგენის შესახებ ინფორმაციას "ჯორჯიან უოთერ ენდ ფაუერი" აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, "ფეისბუქისა" და ვებგვერდის საშუალებით - www.gwp.ge", - აღნიშნულია კომპანიის განცხადებაში.