აჭარის მთავრობა - მაღალმთიან აჭარაში გზების წმენდა უწყვეტ რეჟიმში მიმდინარეობს
მაღალმთიან აჭარაში გზების წმენდა უწყვეტ რეჟიმში მიმდინარეობს, - ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.
მათივე ინფორმაციით, თოვლისაგან იწმინდება როგორც ადმინისტრაციულ ერთეულებთან დამაკავშირებელი, ასევე სასოფლო გზები.
„აჭარის მაღალმთიან მუნიციპალიტეტებში ისევ თოვს.
მეხუთე დღეა, რთული მეტეოროლოგიური პირობების მიუხედავად, აჭარის საავტომობილო გზების დეპარტამენტის 70 სპეციალური ტექნიკა და ადამიანური რესურსი თოვლის საფარისგან საავტომობილო გზების გასაწმენდად უწყვეტ რეჟიმშია ჩართული.
იწმინდება როგორც ადმინისტრაციულ ერთეულებთან დამაკავშირებელი, ასევე სასოფლო გზები.
ქედის, შუახევის და ხულოს მუნიციპალიტეტში რეკომენდირებულია მაღალი გამავლობის ავტომობილებით გადაადგილება მოცურების საწინააღმდეგო ჯაჭვებით“, - ნათქვამია გავრცელებულ ინფორმაციაში.
