აჭარიდან 38 ათასი ტონა ციტრუსის ექსპორტი განხორციელდა

აჭარის რეგიონიდან 38 ათასი ტონა ციტრუსის ექსპორტი განხორციელდა. ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.

მათივე ინფორმაციით, დღეს აჭარის მთავრობის სხდომა გაიმართა, სადაც მთავრობის თავმჯდომარემ, თორნიკე რიჟვაძემ ციტრუსის სეზონი წარმატებულად შეაფასა და აღნიშნა, რომ წლევანდელი სეზონი გამორჩეული იყო, რაც თითოეულ მეციტრუსე ფერმერზე დადებითად აისახა.

„წარმატებული იყო ციტრუსის სეზონი აჭარაში და ამ წარმატების განმსაზღვრელია ჩვენი მოსახლეობის განწყობები. ხშირი კომუნიკაცია გვაქვს მოსახლეობასთან, მეციტრუსე ფერმერებთან, ექპორტიორებთან და უნდა აღინიშნოს, რომ წლევანდელი სეზონი გამორჩეულია“, - განაცხადა თორნიკე რიჟვაძემ.

აჭარის ავტონომიური რესპუბლიკის მთავრობის ინფორმაციით, დღევანდელი მდგომარეობით, 38 ათასი ტონა მანდარინის ექსპორტი განხორციელდა. მიმდინარე სეზონზე 30-მდე ციტრუსის მიმღებ გადამამუშავებელი საწარმო მუშაობდა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება