გიორგი კანდელაკის განცხადებით, საქართველოს მხრიდან პრემიერ-მინისტრის დონეზე მოქმედება სჭირდება, რაც კიევში ჩასვლას და საერთაშორისო ასპარეზზე უკრაინასთან ერთობლივ მოქმედებას გულისხმობს

საქართველოს მხოლოდ უმაღლესი აღმასრულებელი ხელისუფლების დონეზე მოქმედება სჭირდება, რაც კიევში ჩასვლას გულისხმობს - ყველაფერი სხვა, მათ შორის რეზოლუციაც, შექმნილი ვითარების არაადეკვატურია და მხოლოდ ორთქლის გამოშვებაა,- ამის შესახებ „ევროპული საქართველოს“ წევრმა გიორგი კანდელაკმა განაცხადა, რითაც შეაფასა უკრაინის მხარდასაჭერად როგორც „ქართული ოცნების“ რეზოლუციის პროექტი, ასევე ოპოზიციის ნაწილის მიერ ხელმოწერილი პეტიცია.

მისი თქმით, საჭიროა საერთაშორისო ასპარეზზე უკრაინასთან ერთობლივი მოქმედება, რათა თავისუფალი სამყარო უკრაინისა და საქართველოს დაცვის საკითხს ერთ პაკეტად განიხილავდეს.

„შექმნილი ვითარებიდან გამომდინარე, როდესაც უკრაინის საკითხია მსოფლიოში მთავარი საკითხი, საქართველოს მხოლოდ უმაღლესი აღმასრულებელი ხელისუფლების, პრემიერ-მინისტრის დონეზე მოქმედება სჭირდება. ეს გულისხმობს კიევში ჩასვლას და საერთაშორისო ასპარეზზე უკრაინასთან ერთობლივ მოქმედებას, რათა საერთაშორისო თანამეგობრობა და თავისუფალი სამყარო უკრაინისა და საქართველოს დაცვის საკითხს, მომავალში ჩვენი დეოკუპაციის, დევნილთა დაბრუნებისა და მათი ქონების აღდგენის საკითხს, ერთ პაკეტად განიხილავდეს. მხოლოდ ეს ჩაითვლება რამის კეთებად, ყველაფერი სხვა, მათ შორის რეზოლუციაც, შექმნილი ვითარების არაადეკვატური და მხოლოდ ორთქლის გამოშვებაა - ამ რეალობიდან უნდა გამოვიდეთ, როდესაც ვმსჯელობთ, რაც სჭირდება საქართველოს“,- განაცხადა გიორგი კანდელაკმა.

რაც შეეხება ოპოზიციის ნაწილის კრიტიკას, რომ „ქართული ოცნების“ მიერ შემუშავებულ რეზოლუციის პროექტში რუსეთის ფედერაცია ნახსენები არ არის, კანდელაკი ამბობს, რომ „ქართულ ოცნებას“ რუსეთის ფედერაცია რომც ჩაეწერა, ეს უბრალოდ მუშაობის იმიტაცია იქნებოდა და ამით არაფერი შეიცვლებოდა, რადგან ეს ჩვენ არ გვჭირდება“.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო