ფოთის ახალი საზღვაო ნავსადგურის ოფიციალური გახსნის ცერემონიის პარალელურად, „ნაციონალური მოძრაობის“ წევრებმა აქცია გამართეს. ისინი ნავსადგურის შესასვლელთან ლოზუნგებით - ,,თავისუფლება მიშას" , „სოლიდარობა უკრაინას" , „უკრაინა ჩვენი პარტნიორი და მეგობარი სახელმწიფოა" მივიდნენ და პრემიერ-მინისტრთან შეხვედრა მოითხოვეს.

„ხალხთან მისასვლელი პირი რომ არ აქვთ, დღეს ამის კლასიკური მაგალითი იყო. ჩვენ მოვითხოვეთ ირაკლი ღარიბაშვილთან შეხვედრა, მაგრამ არ შეხვდა ხალხს. ჩვენი მოთხოვნაა თავისუფლება მიხეილ სააკაშვილს, ასევე უკრაინისთვის მხარი დაეჭირა და პოზიცია გამოეხატა. უკრაინა არამარტო სტრატეგიული სახელმწიფოა ჩვენთვის, მეტიც, მეგობარი სახელმწიფოა, ყველა გასაჭირში ჩვენს გვერდით მდგომი", - განაცხადა ,,ნაციონალური მოძრაობის" ფოთის საქალაქო ორგანიზაციის თავმჯდომარე დარეჯან ცხვიტარიამ.