გორის მუნიციპალიტეტის სოფლებში გარეგანათების სისტემების მოწყობა გრძელდება. ამის შესახებ ინფორმაციას გორის მუნიციპალიტეტის მერია ავრცელებს.

მათივე ცნობით, პროექტის განხორციელება ფლავში, სვენეთში, ხელთუბანში, კარალეთში და გარეჯვარში იგეგმება.

„პროექტის მიხედვით, აღნიშნული სოფლების მხოლოდ ის უბნები (ნაწილი) განათდება, სადაც გარეგანათება დღემდე არ ყოფილა. გორის მერიამ ტენდერი 25 იანვარს გამოაცხადა. შესყიდვის სავარაუდო ღირებულება 300 830 ლარია.

პროექტი „სამოქალაქო ბიუჯეტი 2022“ - ის ფარგლებში ხორციელდება. პროგრამის ფარგლებში განსახორციელებელ პროექტებს ადგილობრივები ხმათა უმრავლესობით ირჩევენ. მისი მიზანი მუნიციპალიტეტის საქმიანობაში მოქალაქეთა ჩართულობის ზრდის ხელშეწყობაა“,- ნათქვამია ინფორმაციაში.

შესყიდვის ბმული - http://tenders.procurement.gov.ge/public/?go=441096&lang=ge