ელენე ხოშტარია - უფლებების დარღვევა, რაც მიხეილ სააკაშვილის მიმართ ხორციელდება, არავის არ უნდა აძლევდეს მოსვენებას

საქართველოს მესამე პრეზიდენტი მიხეილ სააკაშვილი რუსთავის პენიტენციურ დაწესებულებაში პარტია „დროას“ ლიდერმა ელენე ხოშტარიამ მოინახულა.

ელენე ხოშტარიას განცხადებით, ის „უფლებების დარღვევა, რაც მიხეილ სააკაშვილის მიმართ ხორციელდება, არავის მოსვენებას არ უნდა აძლევდეს“ და წარმოუდგენელია, რომ მსგავსი კანონდარღვევები ხდება, მით უმეტეს, ყოფილი პრეზიდენტის მიმართ.

,,მასთან კომუნიკაცია რეგულარულად მაქვს. ექიმი არ ვარ, მაგრამ კვალი შიმშილობის თუ არაადამიანური მოპყრობის, რომელშიც იმყოფებოდა და იმყოფება კვლავ არის და ასევე პრობლემები გრძელდება კვებასთან დაკავშირებით. ამაზე ალბათ, ექიმებმა უკეთ უნდა ისაუბრონ, თუმცა სამწუხაროდ, აქაც მისი უფლებები ირღვევა და მათ სააკაშვილთან კომუნიკაციის საშუალება არ აქვთ“, - აღნიშნა ელენე ხოშტარიამ.

დღეს მიხეილ სააკაშვილს შეხვდა მისი უფლებადამცველი დიმიტრი საძაგლიშვილიც.

ადვოკატის ინფორმაციით, მესამე პრეზიდენტს კვლავ არ ეძლევა ადეკვატური მკურნალობის მიღების შესაძლებლობა და მის პირად ექიმს რუსთავის ციხეში არ უშვებენ.

,,არსებობს არაერთი, მათ შორის სახალხო დამცველის მიერ შექმნილი კონსილიუმის დასკვნა, რომ პრეზიდენტს უნდა ჩაუტარდეს გარკვეული სახის სამედიცინო სერვისები. ამ სერვისების ჩატარება რუსთავის პენიტენციურ დაწესებულებაში შეუძლებელია და ამის საჭიროება ბუნებრივია ხელისუფლების მხრიდან არაადამიანური მოპყრობის ფაქტებით არის გამოწვეული“, - აღნიშნა დიმიტრი საძაგლიშვილმა.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს