27 იანვარს, „ეიპიემ ტერმინალს ფოთის“ ჯანმრთელობისა და უსაფრთხოების კომიტეტის წევრების დაჯილდოების ცერემონია გაიმართა.
„ეიპიემ ტერმინალს ფოთის“ ინფორმაციით, კომიტეტის 11 წევრს კომპანიის გენერალურმა დირექტორმა კელდ მოსგაარდ ქრისტენსენმა და უსაფრთხოების დეპარტამენტის ხელმძღვანელმა თემურ კუხალეიშვილმა მადლობის სიგელები და სიმბოლური საჩუქრები გადასცეს.
„ჯანმრთელობისა და უსაფრთხოების კომიტეტი ოთხი წლის წინ დაარსდა. მისი უმთავრესი მიზანია კომპანიაში უსაფრთხოების კულტურისა უსაფრთხო სამუშაო გარემოს ჩამოყალიბება. იგი დაკომპლექტებულია სხვადასხვა დეპარტამენტში მომუშავე 11 თანამშრომლით, რომლებიც იცავენ კომპანიაში დასაქმებული თანამშრომლების ინტერესებს ჯანმრთელობასთან და შრომით უსაფრთხოებასთან დაკავშირებულ საკითხებეთან მიმართებაში, თავიანთ საწარმოო ერთეულებზე განაწილებულ კოლეგებთან და ხელმძღვანელებთან კომუნიკაციისა და კონსულტაციის გზით.
2021 წლის განმავლობაში კომიტეტმა გამართა 10 შეხვედრა. მოხდა 45 საკითხის განხილვა, რაზეც დაისახა შესაბამისი მაკორექტირებელი ღონისძიებები, რომელთა უმრავლესობა შესრულდა კიდეც. ასევე, კომიტეტი აქტიურად ახდენდა თანამშრომლების წახალისებას მაღალი უსაფრთხოების კულტურის გამოვლენისთვის”, - აღნიშნულია გავრცელებულ ინფორმაციაში.