თინა ხიდაშელი - უკრაინის თავისუფლებას თუ რამე დაემუქრა, საქართველოც აღმოჩნდება მსხვერპლი, ვერაფერი გადაარჩენს - სალომე ზურაბიშვილის ხმა ისევე უნდა ისმოდეს, როგორც ზელენსკის ხმა ისმის

როგორც არ უნდა მოიქცეს „ქართული ოცნება“, რაც არ უნდა გააკეთოს, უკრაინის მარცხის პირობებში, ჩვენი ბედი გადაწყვეტილია, - ამის შესახებ ყოფილმა თავდაცვის მინისტრმა, თინა ხიდაშელმა „პალიტრანიუსის“ გადაცემაში „360 გრადუსი“ განაცხადა.

ხიდაშელის თქმით, რუსეთი დამარცხდება ყველა ფრონტზე.

„რუსეთი ყოველდღიურად დიპლომატიურ შერკინებაში მარცხდება. ორი დღის წინ, ყველამ ერთად ვუყურეთ გაეროს უშიშროების საბჭოს სხდომას, სადაც რუსეთმა ვერ მოახერხა ვერცერთი მოკავშირის მოძებნა, გარდა ჩინეთისა, რომელიც პირდაპირი მნიშვნელობით ნახევარი სიტყვით იყო მისი მოკავშირე - სრულფასოვნად ჩინეთის მხარდაჭერაც ვერ მოიპოვა. ვნახეთ ერთ ხმაზე მოლაპარაკე დასავლეთი. ერთმნიშვნელოვნად შეგვიძლია ვილაპარაკოთ რუსეთის მარცხზე დიპლომატიურ და პოლიტიკურ ავანსცენაზე. რუსეთს არანაირი შანსები არ აქვს სამხედრო ოპერაციის შემთხვევაში, რადგან ეს ის შემთხვევაა, როცა თვისობრივად და ხარისხობრივად სრულიად განსხვავებული შესაძლებლობების მქონე ორ ბანაკზე ვსაუბრობთ. რა თქმა უნდა, რუსეთს აქ შანსები არ აქვს“, - განაცხადა ხიდაშელმა.

თინა ხიდაშელის თქმით, საქართველო უნდა იყოს უკრაინის გამარჯვების თანამონაწილე და ამ პროცესში „სალომე ზურაბიშვილის ხმა ისევე უნდა ისმოდეს, როგორც ზელენსკის ხმა ისმის“.

„მოსახლეობის ნაწილი მშვიდობას ემხრობა, მეც ვემხრობი მშვიდობას, მაგრამ ყველას ძალიან კარგად უნდა გვესმოდეს, რომ უკრაინის მარცხი პროცესში ავტომატურად ნიშნავს საქართველოს მარცხს. საქართველოს სახელმწიფოებრივი სუვერენიტეტის მარცხს. როგორც არ უნდა მოიქცეს „ქართული ოცნება“, რაც არ უნდა გააკეთოს, უკრაინის მარცხის პირობებში, ჩვენი ბედი გადაწყვეტილია. არის ხოლმე ისტორიული მომენტი, როდესაც სამწუხაროდ ასე ხდება, რომ სახელმწიფოების ბედი ერთმანეთს გადაეჯაჭვება ხოლმე და პირდაპირ დაკავშირებულია ერთმანეთთან. დღეს თუ უკრაინის თავისუფლებას რამე დაემუქრა, მიუხედავად იმისა, ვინ იქნება თბილისში ხელისუფლებაში, საქართველოც აღმოჩნდება მსხვერპლი. ვერაფერი ვერ გადაარჩენს საქართველოს უკრაინის დამარცხების შემთხვევაში, რადგან ჩვენ ახლა გააფთრებით უნდა ვიბრძოლოთ იმისთვის, რომ ჯერ ერთი ჩვენი ხმა ისმოდეს, როგორც უკრაინელების ხმა ისმის. ქალბატონი სალომე ზურაბიშვილის ხმა ისევე უნდა ისმოდეს, როგორც ზელენსკის ხმა ისმის და ჩვენც უნდა ვიყოთ თანამონაწილე უკრაინის გამარჯვების პროცესში“, - განაცხადა თინა ხიდაშელმა.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
კახა ოქრიაშვილი - პუტინმა საქართველოსა და უკრაინაში ომი არა ნატო-ს, არამედ რუსეთის იმპერიის აღდგენის გამო დაიწყო, რადგან დღესაც თვლის და ამბობს, რომ ამ ქვეყნებმა რუსეთის შემადგენლობაში გუბერნიების სტატუსით უნდა იარსებონ
Golden Tulip Design Tbilisi ბელგიელი NFT არტისტის ციფრულ გამოფენას მასპინძლობს
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს