ბათუმის მერიასთან, 150-მდე ოჯახი საპროტესტო აქციას მართავს. როგორც ისინი აცხადებენ, სხვადასხვა დროს ინვესტორებისგან დაზარალდნენ.

როგორც აქციის მონაწილეები აცხადებენ, კონკრეტულ ქუჩებზე ინვესტორებმა საცხოვრებელი კორპუსების მშენებლობა დაიწყეს, თუმცა სამუშაოები დაუსრულებელი დარჩა.

მოქალაქეების თქმით, ბათუმის მერს დახმარებას სთხოვენ.

„წლების განმავლობაში მასშტაბურ პრობლემად იქცა დაუსრულებელი კორპუსების მშენებლობა, უამრავი ოჯახი საკუთრების დათმობის შედეგად ქუჩაში დარჩნენ, ხელისუფლება ამ პასუხისმგებლობას ვერ გაექცევა. ჩვენ შევხვდებით მერს და გვაინტერესებს, როგორ აპირებს ამ პრობლემის მოგვარებას", - აცხადებენ აქციის მონაწილეები.