ნიკოლოზ სამხარაძემ ევროკავშირის 11 ქვეყნის დიპლომატიური მისიის წარმომადგენელთან უსაფრთხოების საკითხები განიხილა
საგარეო ურთიერთობათა კომიტეტის თავმჯდომარე, ნიკოლოზ სამხარაძე, ევროკავშირის ქვეყნების დიპლომატიური მისიის წარმომადგენლებს შეხვდა. ამის შესახებ ინფორმაციას პარლამენტის პრესსამსახური ავრცელებს.
მათივე ცნობით, შეხვედრის მთავარი თემა იყო რეგიონული უსაფრთხოების საკითხები, უკრაინის ირგვლივ მიმდინარე მოვლენები და რუსეთის მხრიდან გადადგმული აგრესიული ნაბიჯები.
„ნიკოლოზ სამხარაძის განცხადებით, მნიშვნელოვანია საერთაშორისო პარტნიორების ჩართულობა მიმდინარე პროცესებში, რადგან რუსეთიდან მომდინარე საფრთხეები ყოველდღიურად იზრდება და თუ რუსეთი უკრაინაში შეჭრის გადაწყვეტილებას მიიღებს, ეს მძიმედ აისახება არამხოლოდ უკრაინაზე, არამედ ჩვენი ქვეყნის მომავალზეც.
საგარეო ურთიერთობათა კომიტეტის თავმჯდომარემ ხაზი გაუსვა სამხრეთ კავკასიაში მშვიდობის დამყარების პროცესში საქართველოს მნიშვნელოვან როლს. მან, ასევე, ისაუბრა ე.წ. „3+3 ფორმატზე" და ევროპელ დიპლომატებს განუმარტა თუ რატომ არ მონაწილეობს საქართველო ამ ფორმატში.
შეხვედრაზე საქართველოს ოკუპირებულ ტერიტორიებზე - აფხაზეთში და ცხინვალის რეგიონში არსებული მძიმე ვითარება განიხილეს.
დიპლომატიური კორპუსის წარმომადგენლებმა კიდევ ერთხელ დაადასტურეს საქართველოს სუვერენიტეტის და ტერიტორიული მთლიანობის, ასევე, საქართველოს ევროკავშირში ინტეგრაციის სრული მხარდაჭერა.
მხარეები შეთანხმდნენ, რომ მსგავსი ტიპის შეხვედრები მომავალშიც გაგრძელდება”, - ნათქვამია ინფორმაციაში.
v-if="article.gallery" v-html="article.gallery"
