დავით ნარმანია - 2021 წლის 1-ელი ოქტომბრიდან ყველა ახალ აშენებულ კორპუსსა და სახლში მხოლოდ „ჭკვიანი მრიცხველი“ უნდა დამონტაჟდეს, რაც მომხმარებელს საშუალებას მისცემს, ელექტროენერგიის მოხმარება ინტერნეტით აკონტროლოს

სემეკის მიერ მიღებული გადაწყვეტილებით, 2021 წლის 1-ელი ოქტომბრიდან ყველა ახალ აშენებულ კორპუსში და სახლში უნდა დამონტაჟდეს მხოლოდ „ჭკვიანი მრიცხველი“, რომელიც ავტომატურად, ყოველდღიურ რეჟიმში გადასცემს ელექტროენერგიის მოხმარების შესახებ ინფორმაციას მონაცემთა ბაზას და მომხმარებელსაც ინტერნეტის მეშვეობით ყოველდღიურად შეუძლია აკონტროლოს ელექტროენერგიის მოხმარება, - ამის შესახებ სემეკის თავმჯდომარემ, დავით ნარმანიამ „პალიტრანიუსის“ გადაცემაში "დილის პალიტრა“ განაცხადა.

რაც შეეხება მანამდე აშენებულ საცხოვრებელ სახლებს და კორპუსებს, დავით ნარმანიამ განმარტა, რომ კეთდება 5-წლიანი გეგმა, რომლის ფარგლებში აღნიშნულ კორპუსებში და სახლებში მრიცხველებს „თელასი“ გამოცვლის და მომხმარებლებს დამატებითი საფასურის გადახდა არ მოუწევთ.

„მნიშვნელოვანია ე.წ. ჭკვიანი აღრიცხვის მრიცხველებზე ეტაპობრივი გადასვლა, სადაც ადამიანური ფაქტორი გამოირიცხება. ადამიანი, რომელიც კითხულობს მრიცხველს და ჩვენება შეჰყავს მონაცემთა ბაზაში, შესაძლოა, გარკვეული შეცდომა მოუვიდეს და ასეთ შეცდომებს გამორიცხავს „ჭკვიანი მრიცხველები“. სემეკის მიერ მიღებული გადაწყვეტილებით, 2021 წლის 1-ელი ოქტომბრიდან ყველა ახალ აშენებულ კორპუსში და სახლში უნდა დამონტაჟდეს მხოლოდ „ჭკვიანი მრიცხველი“, რომელიც ავტომატურად, ყოველდღიურ რეჟიმში გადასცემს ელექტროენერგიის მოხმარების შესახებ ინფორმაციას მონაცემთა ბაზას და მომხმარებელსაც ინტერნეტის მეშვეობით ყოველდღიურად შეუძლია აკონტროლოს მისი ელექტროენერგიის მოხმარება. რაც შეეხება მანამდე აშენებულ საცხოვრებელ სახლებს და კორპუსებს, კეთდება 5-წლიანი გეგმა, რომლის ფარგლებში „თელასი“ ეტაპობრივად გამოცვლის მრიცხველებს და მომხმარებლებს მრიცხველის გამოცვლისთვის დამატებითი საფასურის გადახდა არ მოუწევს“, - განაცხადა ნარმანიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს