პაატა მანჯგალაძე - რუსეთის გაღიზიანების მომხრე არავინაა, მაგრამ სირაქლემას პოზიციაში დგომა ძვირად დაუჯდება საქართველოს  -  სიმხდალის ფასი მონობაა

რუსეთის გაღიზიანების მომხრე არავინაა, მაგრამ სირაქლემას პოზიციაში დგომა ძვირად დაუჯდება საქართველოს - სიმხდალის ფასი მონობაა,- ამის შესახებ „სტრატეგია აღმაშენებლის“ დეპუტატმა პაატა მანჯგალაძემ განაცხადა.

როგორც მან აღნიშნა, პრეზიდენტ სალომე ზურაბიშვილის განცხადება, რომელმაც რუსეთის აგრესორად მოიხსენია, ადეკვატური იყო, ხოლო „ქართული ოცნება“ ერიდება რეგიონში შექმნილ ვითარებას თვალი გაუსწოროს.

„ქართული ოცნების“ მთავარი ამოცანა მხოლოდ ძალაუფლების შენარჩუნებაა, იციან რომ დასავლეთის, უკრაინის მხარდამჭერი განცხადებების გამო შეიძლება გაღიზიანდეს პუტინი და რუსეთის გავლენები გამოიყენოს საქართველოში ხელისუფლების შეცვლისთვის. ძალიან სამწუხაროა, რომ „ქართული ოცნება“ ძალაუფლების შენარჩუნებას პუტინის არგაღიზიანების პოლიტიკით ცდილობს.

რაც შეეხება სააკაშვილს და მის განცხადებას, ის პატიმრობაშია და როგორც ჩანს, არ აქვს ბევრი ინფორმაცია - პრეზიდენტის როლზე საუბრობდა და ვიცით, რომ დღევანდელი კონსტიტუციით პრეზიდენტს ისეთი ფუნქციები არ გააჩნია, რომ პრემიერი ვინმეს მხარდასაჭერად სადმე გაუშვას. ზოგადად ის პოზიცია, რომ ქვეყანას ჰქონდეს თავის საგარეო პოლიტიკა და არ იყოს დამოკიდებული რუსეთზე, ჩემთვის პრობლემა არ არის. რუსეთის გაღიზიანების მომხრე არავინ არის, მაგრამ სირაქლემას პოზიციაში დგომა ძვირად დაუჯდება საქართველოს, რადგან სიმხდალის ფასი მონობაა, ამიტომ ამ გზით არ უნდა წავიდეთ,“ - განაცხადა მაჯგალაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს