ხელვაჩაურში, არქეოლოგებმა საბჭოთა პერიოდში დახვრეტილი 29 ადამიანის ნეშტი აღმოაჩინეს

ხელვაჩაურში არქეოლოგებმა მეექვსე სამარხი აღმოაჩინეს, რომელშიც 29 ადამიანის ნეშტი იყო. როგორც ბათუმისა და ლაზეთის ეპარქიაში "ინტერპრესნიუსს" განუცხადეს, აღნიშნული ნეშტები 1937-38 წლებში სტალინის პერიოდის დროს რეპრესირებულ ადამიანებს ეკუთვნის.

ბათუმისა და ლაზეთის ეპარქიის ინფორმაციით, არქეოლოგიურ სამუშაოებში პოლონელი სპეციალისტები იყვნენ ჩართული, რომლებიც თავად ეპარქიამ მოიწვია.

"სამხედრო ბაზის ტერიტორიაზე მეექვსე სამარხია, რაც ჩვენი სამუშაოების შედეგად აღმოვაჩინეთ. 2016 წელს მეუფე დიმიტრის ლოცვა -კურთხევით ეს საქმე დავიწყეთ. მანამდე აღმოჩენილ სამარხებიდან 120 ადამიანის ნეშტი ამოვასვენეთ. ამ მეექვსე სამარხში 29 ადამიანის ნეშტია აღმოჩენილი. ნეშტებთან ერთად ვიპოვეთ მონეტები და დახვრეტილთა პირადი ნივთები. ნეშტები1937-38 წლებში სტალინური პერიოდის დროს რეპრესირებულ ადამიანებს ეკუთვნის", - განაცხადეს ბათუმის და ლაზეთის ეპარქიაში.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის