„ეიპიემ ტერმინალს ფოთის“ დაფინანსებით მცირე მეწარმეების მხარდამჭერი პროექტი ,,ეიპიემ ტერმინალს  ფოთისთვის" ხორციელდება

„ეიპიემ ტერმინალს ფოთის“ დაფინანსებით მცირე მეწარმეების მხარდამჭერი პროექტი ,,ეიპიემ ტერმინალს ფოთისთვის" ხორციელდება.

„ეიპიემ ტერმინალს ფოთის“ ინფორმაციით, პროგრამა მიზნად ისახავს ქ. ფოთში ეკონომიკური მდგომარეობის გაუმჯობესებას მცირე ბიზნესის მხარდაჭერის გზით და შესაძლებლობას აძლევს დამწყებ და გამოცდილ მეწარმეებს კონკურსის წესით მოიპოვონ თანამონაწილეობრივი მიზნობრივი დაფინანსება და გაიუმჯობესონ ბიზნესის კეთების უნარ-ჩვევები.

გივი გიგიბერია საგრანტო კონკურსის ერთ-ერთი გამარჯვებულია, რომლის საცხობიც ფოთში ცოტა ხნის წინ გაიხსნა.

„ფოთში ერთ-ერთ აქტიურ უბანში ვცხოვრობ, სადაც რამდენიმე სამუშაო ობიექტია გარშემო, მათ შორის სკოლა. ამ გარემოებიდან გამომდინარე, დიდი ხანი მინდოდა სახლის გარეთ ტერიტორია ამეთვისებინა, მით უმეტეს, რომ ახლოს არსად არ არის საცხობი.

გრანტის პირობების გაცნობის შემდეგ მივხვდი, რომ კრიტერიუმებს ვაკმაყოფილებდი. მჭირდებოდა დანადგარები, რომ ჩემი ბიზნეს იდეა რეალობად მექცია.

ახლა მაქვს თონე და ცხობისთვის საჭირო მოწყობილობები; პირველ ეტაპზე მცხობელის აყვანას ვაპირებ, თუმცა მე თვითონ მაქვს ინტერესი, რომ ცხობა ვისწავლო და თავად დავსაქმდე. 2-3 თვეში ვფიქრობ სრულფასოვნად ავითვისებ ამ პროფესიას და ჩემს საცხობში სრული დატვირთვით ვიმუშავებ, საჭიროების მიხედვით კი მცხობელსა და კონდიტერს დავასაქმებ.

მსგავსი საგრანტო კონკურსები დიდი სტიმულია ადამიანებისათვის, რომლებიც პირველ ნაბიჯებს დგამენ ბიზნესში; საკუთარი ბიზნესის წამოწყება დიდი პასუხისმგებლობაა, თუმცა ამავდროულად ძალიან კარგი გამოცდილება და სტიმულია წარმატებული ბიზნეს საქმიანობისთვის", - ამბობს პროგრამის ბენეფიციარი.

ამასთან, ინგა ალანიამ, საოჯახო ბიზნესის გასავითარებლად, საგრანტო კონკურსში მიიღო მონაწილეობა და გაიმარჯვა, რის შედეგადაც საოჯახო ბიზნესის გაფართოებას აპირებს.

,,დაახლოებით 6-7 წელია ბოცვრების მოშენება ჩემი ოჯახის მთავარი საქმიანობაა. მას შემდეგ ტექნოლოგიურად ბევრი რამ შეიცვალა, შესაძლებელი გახდა კვებისთვის საჭირო დანადგარების შეძენა.

იმისთვის, რომ ბიზნესი წარმატებული იყოს, ყველა დეტალი საყურადღებოა, განსაკუთრებით კი კვებაა მნიშვნელოვანი. ადრე ფოთის წისქვილში დავდიოდით და იქ ვფქვავდით მარცვლოვან მცენარეებს. საგრანტო პროგრამამ ეს საქმე გამიიოლა, რადგან მცირე გრანტის დახმარებით მინი წისქვილი და საკვები გრანულების დამამზადებელი აპარატი შევიძინე. ახლა თავად ვამზადებ ეკოლოგიურად სუფთა საკვებს ჩვენი ბოცვრებისთვის, რითიც მნიშვნელოვნად დავზოგე ფინანსები და დრო. ამის გარდა, გრანტის საშუალებით დამატებითი გალიები შევიძინე. ვგეგმავ ბიზნესის კიდევ უფრო გაფართოებას, რადგან საკვები ობიექტებიდან მუდამ არის მოთხოვნა ხორცზე, რასაც ამჟამად სრულად ვერ ვაკმაყოფილებ", - ამბობს ინგა ალანია.

მცირე მეწარმეების მხარდამჭერი პროგრამა გასულ წელს დაიწყო და 80-ზე მეტი ადგილობრივი მეწარმე დაფინანსდა.

ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს