აჭარის საავტომობილო გზების დეპარტამენტის ინფორმაციით, მაღალმთიან მუნიციპალიტეტებში თოვლის საფარისგან საავტომობილო გზების წმენდის პროცესი უწყვეტ რეჟიმში მიმდინარეობს.

უწყების ცნობით, დილიდან მობილიზებულია აჭარის საავტომობილო გზების დეპარტმენტის სპეციალური ტექნიკა ხულოს, შუახევის და ქედის მუნიციპალიტეტებში. "მაღალი ზონის სოფლებში ახალი თოვლის საფარი 40-50 სანტიმეტრს აღწევს. ინტენსიური თოვისა და ქარბუქის გამო მაღალი ზონის სოფლებში ავტომობილებით გადაადგილება შეზღუდულია და რეკომენდირებულია მხოლოდ მაღალი გამავლობის ავტომობილებით მოძრაობა",- აღნიშნეს უწყებაში.