ბათუმის ქუჩების თოვლის საფარისგან გაწმენდის სამუშაოები 24 საათიან რეჟიმში მიმდინარეობს. ბათუმის მერიის ინფორმაციით, სამუშაოებში ჩართულია 200-ზე მეტი ადამიანი. სპეციალური ტექნიკით იწმინდება გზის სავალი ნაწილი. პარალელურად მიმდინარეობს ტროტუარებისა და სანიაღვრე ცხაურების მოწესრიგება.

რეგულარულად ხორციელდება ზღვაში გამსვლელი სანიაღვრე არხებისა და სანაპირო ზოლის გაწმენდითი სამუშაოები.