აჭარის მაღალმთიან მუნიციპალიტეტებში თოვლის საფარისგან საავტომობილო გზების წმენდის პროცესი უწყვეტ რეჟიმში მიმდინარეობს. ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.

მათივე ცნობით, 21:00 საათის მდგომარეობით ელექტროენერგია მიეწოდება ყველა აბონენტს. გაწმენდილია ადმინისტრაციულ ერთეულებთან მისასვლელი გზები. ამასთან, აჭარის საავტომობილო გზების დეპარტმენტის სპეციალური ტექნიკა თემებთან დამაკავშირებელ საავტომობილო გზების გაწმენდით სამუშაოებს ახორციელებს.

„ბათუმის ქუჩების და სანაპირო ზოლის გაწმენდითი სამუშაოები 24 საათიან რეჟიმში მიმდინარეობს. სამუშაოებში ჩართულია 200-ზე მეტი ადამიანური რესურსი. სპეციალური ტექნიკით იწმინდება გზის სავალი ნაწილი. პარალელურად მიმდინარეობს ტროტუარებისა და სანიაღვრე ცხაურების მოწესრიგება.

რეგულარულად ხორციელდება ზღვაში გამსვლელი სანიაღვრე არხებისა და სანაპირო ზოლის გაწმენდითი სამუშაოები“,- აღნიშნულია გავრცელებულ ინფორმაციაში.