რუსთავის საკრებულოში თანამდებობები ოპოზიციურმა პარტიებმა დაიკავეს

რუსთავში საკრებულოში თავმჯდომარისა და სამივე მოადგილის თანამდებობები პარტია „საქართველოსთვის“ და "ერთიანი ნაციონალური მოძრაობის წევრებმა გადაინაწილეს.

როგორც ცნობილია, რუსთავის საკრებულოს თავმჯდომარის თანამდებობას პარტია „საქართველოსთვის“ წარმომადგენელი ნოდარ შეროზია იკავებს. ამავე პარტიის კიდევ ერთი წარმომადგენელი - ზაზა ჯაიანი თავმჯდომარის მოადგილეა. თავმჯდომარის პირველი მოადგილის პოსტი "ერთიანი ნაციონალური მოძრაობის" წევრმა ალექსანდრე ბერიძემ დაიკავა. დღევანდელ სხდომაზე კი კიდევ ერთი მოადგილის ვაკანტურ თანამდებობაზე, 18 ხმით, ასევე "ნაციონალური მოძრაობის" წევრი დეპუტატი თინათინ ლოცულაშვილი აირჩიეს. კენჭისყრაში მონაწილეობა არ მიუღიათ "ქართული ოცნების“ დეპუტატებს, რომელთაც თავმჯდომარის შეთავაზების მიუხედავად, დღესაც უარი თქვეს თავმჯდომარის მოადგილის პოსტზე საკუთარი კანდიდატის დასახელებაზე.

„ქართული ოცნების“ დეპუტატების მიერ საკრებულოში თანამდებობების არ დაკავების გადაწყვეტილება, საკუთარი ამომრჩევლის წინაშე უპასუხისმგებლობა უწოდა პარტია "საქართველოსთვის“ წევრმა, საკრებულოს თავმჯდომარე ნოდარ შეროზიამ.

„ქართულ ოცნებაში“ კი აცხადებენ, რომ თანამდებობის დაკავება სულ არ არის საჭირო იმისთვის, რომ მათ საკრებულოს მუშაობაში მონაწილეობა მიიღონ.

„ძალიან არასერიოზულია, როდესაც უპასუხისმგებლობაზე გველაპარაკება ძალა, რომელმაც პირველივე სხდომა დატოვა, "ქართული ოცნების“ კანდიდატს არა თუ მხარი არ დაუჭირა, საერთოდ არაფერში მონაწილეობა არ მიიღო და სხდომა ჩაშალა. რაც შეეხება საკრებულოს მუშაობაში მონაწილეობის მიღებას, ამისთვის არ არის საჭირო რაიმე პოზიცია ან თანამდებობა გეკავოს", - განაცხადა პარტია "ქართული ოცნებიდან" რუსთავის საკრებულოს დეპუტატმა მარი ლიპარტელიანმა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა