ბათუმის მერის, არჩილ ჩიქოვანის განცხადებით, მერია ბაქრაძის ქუჩის პროექტზე მუშაობას უახლოეს მომავალში, სკრინინგის დასრულების შემდეგ გააგრძელებს.
როგორც ჩიქოვანი განმარტავს, მოცემული მდგომარეობა სტიქიურმა მოვლენებმა გამოიწვია.
„ბაქრაძის ქუჩაზე ჩვენ გვქონდა სტიქიური მოვლენების შედეგად გამოწვეული ზიანი. ამასთან დაკავშირებით სამუშაოები დაგეგმილი იყო, გვაქვს კონკრეტული პროექტი. სამუშაოების მიმდინარეობისას საჭიროება დადგა სკრინინგის პროცედურების გავლის, ვინაიდან იქ გარემოს დაცვითი კუთხით კონკრეტული გამოწვევები იდგა. მიღებული გვაქვს რეკომენდაციები გარემოს დაცვის ეროვნული სააგენტოს და გარემოს დაცვის სამინისტროს მიერ. მივყვებით სკრინინგის პროცესს, რომელიც უახლოეს მომავალში დასრულდება და პროექტზე მუშაობა გაგრძელდება“, - აღნიშნა არჩილ ჩიქოვანმა.
ინფორმაციას ბათუმის მერია ავრცელებს.