ვანო მაჭავარიანი - ქვეყანაში „პოლიტიკური საგიჟეთია“ - რაც შეეხება პრეზიდენტს, შთაბეჭდილება მრჩება, რომ სამუშაო არაფერი აქვს და  ახალ თემებს იგონებს

ეს ერთპარტიული მმართველობა ქვეყნისთვის ცუდად დამთავრდება,- ამის შესახებ პოლიტოლოგმა, ვანო მაჭავარიანმა „პალიტრანიუსის“ გადაცემაში „ნიუსრუმი“ განაცხადა.

მან „ქართული ოცნების“ თავმჯდომარის ირაკლი კობახიძის განცხადება შეაფასა, რომელიც არ გამორიცხავს, რომ საკონსტიტუციო ცვლილებებზე გადაწყვეტილების მიღებამ მინიმუმ 2023 წლამდე გადაიწიოს.

„ქართულ ოცნებას“, რომელსაც ირაკლი კობახიძე ახმოვანებს, საერთოდ არავინ სჭირდება, არც ოპოზიცია, არც ის მედია, რომელიც რაღაც ფორმით კრიტიკულია, არც საერთაშორისო პარტნიორები, რომლებმაც შარლ მიშელის 19 აპრილის ხელშეკრულება შესთავაზეს. ყველაზე ცუდი რაც არის, მას ასევე არ სჭირდება ოპოზიციური ამომრჩეველი მიუხედავად იმისა, რომ ეს ხალხი ამ ქვეყნის მოქალაქეები არიან“,-განაცხადა მაჭავარიანმა.

მისი შეფასებით, ირაკლი კობახიძის განცხადებები 19 აპრილს ხელშეკრულებას და „ქართული ოცნების“ მიერ აღებულ ვალდებულებებს ეწინააღმდეგება.

„ქართულ ოცნებას“ მოსწონს ამ პოლარიზაციაში ყოფნა, მას უნდა, რომ იყოს მხოლოდ და მხოლოდ „ნაციონალურ მოძრაობასთან“ დაპირისპირებული. როგორც ჩანს, „ნაციონალურ მოძრაობას“ ეს მოსწონს და ორივე ერთმანეთს კვებავს ამ მიმართულებით. „ქართული ოცნებისთვის“ განცხადება, რომ ეროვნული თანხმობის მიმართულებით პრეზიდენტთან პრინციპში ითანამშრომლებენ, მაგრამ, ამავე დროს, „ნაციონალური მოძრაობისა“ და ოპოზიციური პარტიების დასრულებაზე მუშაობენ, მათ შორის ბარიერის არდაწევით, ეს ხომ საერთო ჯამში, არანაირ პოლიტიკურ განმუხტვას არ ემსახურება“, - განაცხადა მაჭავარიანმა.

მისი შეფასებით, ქვეყანაში „პოლიტიკური საგიჟეთია“ , რადგან იზრდება პოლარიზაცია და არასტაბილურობა.

„თუ გულზე მობრაგუნე „ქართული ოცნების“ მომხრე არ ხარ, მუზეუმშიც კი ვერ მუშაობ 160 ლარზე. მუნიციპალიტეტებშიც ხომ იგივე მდგომარეობაა“,-განაცხადა მაჭავარიანმა.

რაც შეეხება პრეზიდენტის მიერ დაწყებულ ეროვნული თანხმობის პროცესს, ვანო მაჭავარიანი მიიჩნევს, რომ ეს პოლიტიკური პროცესი არ არის.

„მრჩება შთაბეჭდილება, რომ არაფერი აქვს სამუშაო და ახალ თემებს იგონებს. პოლიტიკური ლიდერი შედეგზე თუ არ ხარ ორიენტირებული, რომ დაპირისპირებული მხარეები მოლაპარაკებების მაგიდასთან მიიყვანო და შეთანხმდნენ, მათ შორის რაც არის 19 აპრილის ხელშეკრულებაში, სხვა შემთხვევაში, ეს საზოგადოების მოტყუებაა. ყველაზე მნიშვნელოვანი, ირაკლი კობახიძემ პირდაპირ თქვა, რომ ისინი არავითარ შეთანხმებას არ მოაწერენ ხელს. ამიტომ ვამბობ, პოლიტიკური სიტუაცია ძალიან მძიმეა. „ქართულ ოცნებას“ მიაჩნია,რომ ასე აწყობს, როგორც ჩანს, სალომე ზურაბიშვილიც ამ თამაშს თამაშობს“,-განაცხადა მაჭავარიანმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი