ქობულეთის მერიის შენობასთან ხმაური იყო

ქობულეთის მერიის შენობასთან ხმაური იყო. „ნაციონალური მოძრაობის“ წევრები ქობულეთის მერთან ლევან ზოიძესთან შეხვედრას ითხოვდნენ.

როგორც „ნაციონალური მოძრაობის“ წევრი ბონდო თედორაძე აცხადებს, კომპანია „კრისტალ ბილდინგს“ საპარკინგეს მოსაწყობად ნებრათვა ჰქონდა, თუმცა ქვის ნაგებობების აშენება დაიწყო. ბონდო თედორაძის თქმით, უცნობია რას აშენებს აღნიშნული კომპანია.

ბონდო თედორაძის თქმით, აღნიშნული კომპანიის უკან აჭარის მთავრობა დგას.

„ნაციონალური მოძრაობის“ წევრები მერიის შენობაში შესავლას ითხოვდნენ, რის უფლებაც სამართალდამცავებმა არ მისცეს, რასაც ხმაური მოჰყვა. ამასათან, სამართალდამცავებმა მერიის შენობაში მედიის წარმომადგენლებიც არ შეუშვეს.

მერიის შენობასთან ამ დრომდე რჩებიან სამართალდამცავები და აქციის მონაწილეები.