თამარ ალფაიძე - თუ საჭირო გახდა, სისტემის წინააღმდეგაც წავალ და ყველა ბერკეტს გამოვიყენებ, რომ დავიცვა მოქალაქეების უფლებები და თავისუფლებები

თუ საჭირო გახდა, სისტემის წინააღმდეგაც წავალ და ყველა ბერკეტს გამოვიყენებ, რომ დავიცვა მოქალაქეების უფლებები და თავისუფლებები, - ამის შესახებ ჟურნალისტებთან პერსონალურ მონაცემთა დაცვის სამსახურის ხელმძღვანელის თანამდებობაზე წარდგენილმა ერთ- ერთმა კანდიდატმა, თამარ ალფაიძემ განაცხადა.

ალფაიძე აცხადებს, რომ დამოუკიდებლად მონაწილეობს პროცესში და არ გამორიცხავს, რომ თუ ამ თანამდებობაზე აირჩევენ, შესაძლოა, ლონდა თოლორაიას მსგავს სიტუაციაში აღმოჩნდეს.

კითხვაზე მას შემდეგ, რაც ლონდა თოლორაიას უწყების კრიტიკული დასკვნების შემდეგ გაუქმდა სახელმწიფო ინსპექტორის აპარატი, ექნება თუ არა განცდა, რომ ხელისუფლების კრიტიკის შემთხვევაში, კვლავ დახურავენ სამსახურს და მასაც გაათავისუფლებენ, ალფაიძე აღნიშნავს, რომ ალბათ, ექნება ეს განცდაც.

„კი მექნება, ალბათ, ეს განცდაც და თუ მსგავსი სიტუაციის წინაშე აღმოვჩნდები, გპირდებით, დამოუკიდებლად ვიმოქმედებ, მეც (ლონდა თოლორაიას) იდენტურ სიტუაციაში შეიძლება აღმოვჩნდე,"- აცხადებს ალფაიძე. კითხვაზე წავა თუ არა სისტემის წინააღმდეგ, ალფაიძე აცხადებს, რომ თუ საჭირო გახდა, მოქალაქეების უფლებების დასაცავად, ამას გააკეთებს.

„გააჩნია, რომელი სისტემის წინააღმდეგ. სისტემა თვითონ არის ჩამოსაყალიბებელი, გასავითარებელი და გასაძლიერებელი და რატომ უნდა წავიდე სისტემის წინააღმდეგ? თუ საჭირო გახდა, სისტემის წინააღმდეგაც წავალ და ყველა ბერკეტს გამოვიყენებ, რომ დავიცვა მოქალაქეების უფლებები და თავისუფლებები,"- აცხადებს ალფაიძე.

რაც შეეხება სახელმწიფო ინსპექტორის სამსახურის გაუქმებას, ალფაიძე მიიჩნევს, რომ ეს არ იყო პერსონიფიცირებული პროცესი.

„სამწუხაროა, რაც მოხდა, თუმცა, ეს არ იყო პერსონიფიცირებული პროცესი, ეს იყო ინსტიტუციური გადაწყვეტილება, რომ ორგანო ორ რგოლად გაყოფილიყო. ამიტომ დაველოდოთ საკონსტიტუციო გადაწყვეტილებასაც, მაგრამ დაველოდოთ გაზაფხულს. მე ამ პროცესში ჩავერთე დამოუკიდებლად და შესაბამისად, მოლოდინებიც შესაბამისი მაქვს. ეს ის სამსახურებია, სადაც სხვა შეხედულებები, წინათქმები არ უნდა იყოს გათვალისწინებული. ვფიქრობ, პროცესი დაიცლება ყველანაირი პოლიტიკური ინტერესებისგან და გაგრძელდება დამოუკიდებლად“, - განაცხადა ალფაიძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 06.10.2022
საქართველოს ბიზნეს ასოციაციის წევრი კომპანიების წარმომადგენლები საქართველოს პრემიერ-მინისტრს შეხვდნენ
„საქართველოს ბანკის“ მხარდაჭერით, თბილისში ახალი მრავალფუნქციური სივრცე „კომბინატი - Combinaty“ იხსნება
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო