მიკროსაფინანსო ორგანიზაცია "მ ფინანსის" დაზარალებულებმა აქცია გამართეს. აქციის მონაწილეები აცხადებენ, რომ კუთვნილი ძვირად ღირებული ნივთების საკუთარ სახელზე გადაფორმებას ითხოვენ.
შეკრებილების თქმით, მათი ნივთები ლომბარდის მესაკუთრემ ბანკში გადააგირავა. დაზარალებულები ნდობით აღჭურვილი პირის საშუალებით ნივთების დაბრუნებას ითხოვენ.
მათი თქმით, პროცენტს ვერ იხდიან, რის გამოც ბანკში ჯარიმები ერიცხებათ.
მოქალაქეები ახალი ხელშეკრულების გაფორმებას და ჯარიმების ჩამოწერას ითხოვენ.