მარნეულში კოვიდ-19 -ის საწინააღმდეგო ვაქცინებთან დაკავშირებით საინფორმაციო-გასართობი ღონისძიება გაიმართა.

მარნეულის მუნიციპალიტეტის ინფორმაციით, კამპანია „იმუნიზაციისა და ვაქცინოლოგიის ასოციაციის“ ორგანიზებით ჩატარდა. აღნიშნული ორგანიზაცია UNICEF-თან და USAID-თან ერთად ახორციელებს პროექტს „MEDიატორი“.

ღონისძიების ფარგლებში, ადგილზე მისულ მოქალაქეებს დაურიგდათ საინფორმაციო ბუკლეტები ქართულ, აზერბაიჯანულ და სომხურ ენებზე. ამასთანავე დამსწრეებმა მონაწილეობა მიიღეს გასართობ აქტივობებში, მცირე ზომის შემეცნებით ატრაქციონებში, სადაც გამარჯვებულებს გადაეცათ წამახალისებელი საჩუქრები.